У нашай установе дашкольнай адукацыі дзеці старэйшых груп прынялі ўдзел у мерапрыемстве пад назвай «Восеньскі кірмаш».
У сваёй установе мы надаем увагу азнаямленню выхаванцаў з традыцыямі беларускага народа. У былыя часы паход на кірмаш меў для нашых продкаў не толькі практычнае, але і забаўляльнае значэнне. Шырокі і багаты гандаль разгортваўся на плошчах, суправаджаўся вясёлымі гульнямі, тэатральнымі пастаноўкамі і, такім чынам, пераутвараўся ў сапраўднае свята.
У зале панавала дабразычлівая, цёплая атмасфера. Дзеці спявалі беларускія песні, гулялі ў беларускія гульні, чыталі вершы, танцавалі беларускія танцы.
Такія мерапрыемствы развіваюць дзяцей духоўна, народныя традыцыі выхоўваюць любоў да сваёй гісторыі, да сваёй Радзімы.