У нашай установе прайшлі адкрытыя прагляды заняткаў па развіцці беларускага маўлення ў дашкольнікаў. Асноўнай мэтай гэтых заняткаў было развіццё элементарных навыкаў зносін на беларускай мове дзяцей дашкольнага ўзросту. Дзеці з вялікім задавальненнем размаўлялі па-беларуску, гулялі у беларускія народныя гульні, спявалі песні на беларускай мове, прымалі удзел у тэатралізаваным прадстаўленні беларускай казкі.
Трэба памятаць, што авалоданне дзецьмі багаццем беларускай мовы складае адзін з асноўных элементаў фармавання асобы дзіцяці, засваення ім нацыянальнай культуры, станаўлення нацыянальнай самасвядомасці і аказвае істотную ролю на яго этнакультурнае выхаванне.