З мэтай распаўсюджвання эфектыўнага вопыту сваёй дзейнасці педагагічныя работнікі ДУДА "ДЦРДз №2 г.Баранавічы" удзельнічаюць у публікацыях перыядычнага друку.
Так, у навукова-метадычным часопісе для педагогаў дашкольных устаноў «Пралеска» выхавальнік дашкольнай адукацыі Паршыкава Алена Леанідаўна і кіраўнік фізічнага выхавання Лагуценка Ала Антонаўна прадставілі вопыт работы на тэму: «Новыя падыходы да арганізацыі фізкультурна-аздараўленчай работы ва ўстанове дашкольнай адукацыі».
Фізкультурна-аздараўленчая работа ў ДУДА "ДЦРДз №2 г.Баранавічы" - гэта сістэма займальных і пазнавальных відаў дзейнасці выхаванцаў і іх бацькоў, якія спрыяюць захаванню і ўмацаванню фізічнага здароўя, гарманічнаму фізічнаму развіццю, эмацыйнаму дабрабыту, выхаванню пачуцця гонару за дасягненні беларускіх спартсменаў.
Алена Леанідаўна і Ала Антонаўна на старонках часопіса знаёмяць з інтэрактыўнымі формамі фізкультурна-аздараўленчай работы ва ўстанове: міні-музей «Фізкульт-ура», інтэрактыўная гульнявая лакацыя «Уніквэст», інтэрактыўныя фізкультурныя казкі, маршрут выхаднога дня «Баранавічы спартыўныя», тэматычны сайт «Фізкульт-ура», анлайн-віктарыны.
Падрабязна пазнаёміцца з матэрыяламі артыкула можна ў часопісе "Пралеска" №12/2024 год.
Віншуем Паршыкаву Алену Леанідаўну і Лагуценку Алу Антонаўну з публікацыяй у прафесійным выданні і спадзяемся, што гэта пачынанне будзе працягнута.
Жадаем далейшага росквіту, творчых поспехаў, заваявання новых вяршынь!
разгарнуць » / « згарнуць