У 2021 – 2022 нав.гг. наша група прымае ўдзел у эксперыментальным праекце "Апрабацыя навукова-метадычнага забеспячэння фарміравання асноў бяспекі жыццядзейнасці дзяцей старэйшага дашкольнага ўзросту з дапамогай гульнявых адукацыйных рэсурсаў". Рэалізацыя гэтага праекта праходзіць праз правядзенне заняткаў па адукацыйнай галіне "Дзіця і грамадства" (адукацыйны кампанент "Бяспека жыццядзейнасці")
Намі былі ўжо праведзены заняткі з выкарыстаннем гульнявога адукацыйнага рэсурсу па наступных тэмах: "Правілы бяспечных паводзін дома", "Правілы бяспечных паводзін дома і на вуліцы пры сустрэчы з незнаёмымі людзьмі", "Правілы бяспечных паводзін на вуліцы", "Правілы пажарнай бяспекі", "Правілы бяспекі зімой", "Правілы бяспечных паводзін дома"
У ходзе гэтых заняткаў у дзяцей сістэматызаваліся ўяўленні аб бытавых прадметах і электрапрыборах, іх прызначэнні; замацаваліся веды аб тым, што гэтыя прадметы могуць пагражаць жыццю і бяспецы людзей.
На занятках былі сфарміраваны ўяўленні аб правілах зносін з незнаёмымі людзьмі ў розных сітуацыях, таксама дзяцей навучалі перасцерагацца ад кантактаў з незнаёмцамі. Таксама на занятках пашыралі веды дзяцей аб правілах дарожнага руху, працягвалі фарміраваць уяўленні аб дарожных знаках, выхоўвалі навыкі бяспечных паводзінаў на вуліцы. і немалую ўвагу надалі пажарнай бяспецы. На занятках па дадзенай тэме працягвалі фармаваць уяўленні дзяцей аб карысці і небяспецы агню, аб правілах паводзін падчас пажару; замацоўвалі веды аб пажаранебяспечных прадметах і сродках тушэння агню; замацоўвалі веды дзяцей аб прафесіі пажарнага.
Усе гэтыя заняткі з выкарыстаннем гульнявога адукацыйнага рэсурсу накіраваны на фарміраванне і выхаванне культуры бяспекі жыццядзейнасці ў дзяцей. І ўжо цяпер можна сказаць, што ўсе мэты і задачы, пастаўленыя ў ходзе правядзення заняткаў у рамках гэтага праекта, паспяхова рэалізуюцца. Дзеці з лёгкасцю і вялікім задавальненнем удзельнічаюць у гульнях, актыўна адказваюць на занятках, думаюць, разважаюць, робяць высновы, аргументуюць свае адказы. Вялікая заслуга ў гэтым, вядома ж, гульнявых адукацыйных рэсурсаў (выкарыстанне ІКТ). Аб высновах казаць пакуль рана, але прамежкавыя вынікі цешаць. У дзяцей ужо сфарміраваны пэўныя веды, уменні ў гэтым напрамку.
разгарнуць » / « згарнуць